Четверг 25 Май 2023
Әбілхан Қастеев атындағы Мемлекеттік өнер мұражайында «Музей түні» жобасы аясында ұйымдастырылған «Емдеу өнері» атты көрмеміз өткенін қуана хабарлаймыз. «MEDIKER» медициналық компаниясының қолдауымен.
Көрменің арқасында келушілер экспозиция арқылы денсаулықты сақтау және алдын алу маңыздылығына назар аударды. Медицина қызметкерлерінің игілікті еңбегіне деген құрметті, олардың бейнесін, халыққа беретін үмітін жеткізу мақсатында мұражай қорындағы материалдарды пайдалана отырып, сан алуан көркемдік шешімдерді көрсеттік. Көрмеде көптеген дәрігерлердің портреттері мен осы ұлы мамандыққа қатысты туындылар қойылды.
«Емдеу өнері» мұражай қорындағы туындылар, соның ішінде Батыс Еуропа өнері, Ресей қоры, 20 ғасырдағы Шетел өнері қоры, Қазақстан, сондай-ақ әртүрлі жанрларда графика және мүсін, соның ішінде кескіндемеде жасалған жеке коллекция ұсынылды.
«Музейдегі түннің» ашылуы Алматы қаласы әкімінің концерттік оркестрі квартетінің өнерімен сүйемелденді. Көрменің қызықты сәттерінің бірі алғашқы медициналық көмек көрсету бойынша шеберлік сыныбы болды. Мұражайдың экспозициялық залдарына тақырыптық экскурсиялар жүргізілді.
Сондай-ақ мұражайға кіре берісте қолөнер жәрмеңкесі өтіп, балаларға сурет салудан шеберлік сабақтары өтті. Шара аясында киіз басу, мүсіндік фигуралар жасау, саз балшықтан бұйымдар жасау, сондай-ақ суретші Хорликовтың экспресс-портреті бойынша шеберлік сабақтары ұсынылды. Кеш барысында домбырашылар ансамблі, қобызшылар ансамблі, үнді классикалық биі мен йога орталығы, сонымен қатар пантомима театры өнер көрсетті.
Көрменің соңы көшеде өтті, онда диджейдің музыкасы шырқалды, сонымен қатар Luimere элементтерінің шоуы көрсетілді.
