Коронавирустық инфекцияның алдын-алу шаралары

Пятница 28 Февраль 2020

Қытай Халық Республикасында коронавирустық инфекцияның жаңа типінің өршуінің жариялануына байланысты және инфекцияның әкелінуі мен таралуының алдын алу, сондай-ақ Қазақстан Республикасында халықтың санитариялық-эпидемиологиялық саламаттылығын қамтамасыз ету мақсатында Сізден өз денсаулығыңызды сақтау мақсатында мынадай профилактика шараларын сақтауды сұраймын:

• дене қызуын күніне кемінде 2 рет өлшеу
• үй-жайды күніне кемінде 2 рет желдету
• күн сайын ылғалды жинауды жүргізу
• қолды сабынмен жиі жуу
• жеке ыдысты, жеке гигиена құралдарын (сүлгі, сабын, тіс пастасы, қырыну құралдары және т.б.) пайдалану
• аурудың белгілері (дене қызуының жоғарылауы, мұрынның бітелуі, жөтел және басқалар) пайда болған кезде жедел жәрдем шақыру
• жөтелу әдебін сақтау (қашықтықты сақтаңыз, жөтелгенде және түшкіргенде ауызды бір рет қолданылатын сүлгілермен немесе киіммен жабыңыз және қолды жуыңыз)

Оқшауланған адам үйдегі карантин жағдайларында:

• жақсы желдетілетін жеке бөлме бөлінуі;
• оған басқа адамдардың келуін болдырмау;
• оның халықтың көп жиналатын орындарына баруын болдырмау;
• қоғамдық көлікті пайдаланбауы қажет.

Тұрғындарға арналған профилактика шаралары

1. Дене қызуын күніне кемінде 2 рет өлшеу;

2. Профилактика шараларын сақтау:

   • үй-жайды күніне кемінде 2 рет желдету;

   • күн сайын ылғалды жинауды жүргізу;

   • қолды сабынмен жиі жуу;

   • жеке ыдысты, жеке гигиена құралдарын (сүлгі, сабын, тіс пастасы, қырыну құралдары және т.б.) пайдалану;

3. Дене қызуы бар адамдар қоғамдық орындарға бармауы және медициналық көмекке уақтылы жүгінуі керек;

4. 1406 телефоны арқылы күдікті жағдайлар және қол жеткізілмеген медициналық көмек туралы хабарлау.